په پکتیکا ولایت کې یو سل او پنځوس (١٥٠) تنو معلولیت لرونکو وګړو ویلچرونه ترلاسه کړل
په پکتیکا ولایت کې د یوې خیریه مؤسسې له لوري او د یاد ولایت د شهیدانو او معلولینو چارو ریاست په همغږۍ پر (١٥٠) تنو معلولینو باندې ویلچرونه وویشل شول او په ورته وخت کې هر معلول ته زر (۱۰۰۰) افغانۍ هم ورکړل شوې.
د ویلچرونو د ویش پر مهال د پکتیکا ولایت د شهيدانو او معلولينو چارو رئيس مولوي محمد انور برادر د یتیمانو، کونډو او معلولینو خدمت کول یو اخلاقي او ایماني مسؤلیت وباله او د شهیدانو او معلولینو چارو وزارت له رهبرۍ او د خیریه مؤسسې له مسؤلینو څخه یې د مننې تر څنګ ژمنه وکړه چې دې مظلوم قشر ته به د مرستو په راجلبولو کې خپلې هڅې جاري وساتي.
