په پکتیکا ولایت کې پر (۱۸۰) تنو مستحقو معلولینو باندې ویلچرونه ووېشل شول
د پکتیکا ولايت د شهيدانو او معلولينو چارو رياست د یوې خیریه مؤسسې سره په همغږۍ په یاد ولايت کې پر (١٨٠) تنو مستحقو معلولينو باندې ويلچرونه ووېشل، همداراز هر معلول ته (۱۰۰۰) افغانۍ د لارې کرایې په توګه هم ورکړل شوې.
د یادو ويلچرونو د وېش پر مهال د پکتیکا ولايت د شهيدانو او معلولينو چارو رئيس محترم مولوي محمد نبي وهاج او د استخباراتو ریاست استازي شتون درلود.
محترم مولوي محمد نبي وهاج ټولو معلولينو ته ډاډ ورکړ چې د شهیدانو او معلولینو چارو وزارت رهبرۍ تل هڅه کوي چې د شهیدانو ورثه ؤ او معلولینو لپاره د ژوند په بېلابېلو برخو کې لازمې اسانتیاوې برابرې کړي.
