په پکتیکا ولایت کې د شهيدانو او معلولينو پر (۵۰۰) کورنيو باندې مرستې ووېشل شوې
د پکتیکا ولایت د شهیدانو او معلولینو چارو ریاست په هڅو او د یو خیریه بنسټ په مالي ملاتړ، د یاد ولایت اړوند د شهيدانو او معلولينو پر (۵۰۰) کورنیو باندې خوراکي توکي چې اوړه، وریجې، غوړي او پنځه ډوله نور اړين مواد په کې شامل وو، په منظم ډول ووېشل.
د مرستو د وېش پر مهال د پکتیکا ولایت د شهیدانو او معلولینو چارو رئیس محترم مولوي محمد نبي وهاج، د یاد خیریه بنسټ له مرستو مننه وکړه او هیله یې څرګنده کړه چې نور خیریه بنسټونه او مرستندویه مؤسسې هم د ټولنې دې اړمن قشر ته لومړیتوب ورکړي تر څو د هغوی ورځنیو ستونزو ته رسېدګي وشي.
