په هلمند ولایت کې پر (۶۰۰) مستحقو کورنيو باندې د خوراکي توکو مرستې ووېشل شوې
د هلمند ولایت د شهیدانو او معلولینو چارو ریاست د یوې خیریه مؤسسې سره په همغږۍ د لښکرګاه ښار په شمول د ګرشک، باباجي، نهر سراج، نادعلي، مارجې او ناوې ولسوالیو اړوند د شهیدانو او معلولینو پر (۶۰۰) کورنيو باندې مرستې چې په هغه کې اوړه، وریجې، غوړي او درې ډوله نور خوراکي توکي هم شامل وو، په منظم او شفاف ډول ووېشل.
د یادونې وړ ده چې یادې مستحقې کورنۍ څه موده وړاندې د یوې کره او دقیقې سروې له مخې پېژندل شوې وې، چې نن ورځ له مرستو څخه برخمنې شوې.
همداراز د هلمند ولایت د شهیدانو او معلولینو چارو ریاست تر دې مخکې هم د خیریه مؤسسو په همکارۍ زرګونو تنو یتیمانو، کونډو مېرمنو او معلولینو ته اړینې مرستې برابرې کړي دي، ترڅو د هغوی د ژوندانه لومړنۍ اړتیاوې تر یوه حده پوره او ورته د لاښه ژوند کولو زمینه برابره شي.
