په زابل ولایت کې سل (۱۰۰) تنو مستحقو یتیمانو نغدي مرستې ترلاسه کړې
یادې مرستې د نداء الخیر مؤسسې له لوري د زابل ولايت د شهيدانو او معلولينو چارو رياست په همغږۍ پر (۱۰۰) تنو مستحقو یتیمانو باندې ووېشل شوې او هر مستحق ته (۵۳۰۰) افغانۍ د نغدي مرستې په توګه ورکړل شوې.
د زابل ولايت د شهيدانو او معلولينو چارو رئيس محترم ملا عبدالحکیم دانش د نداء الخیر مؤسسې له مسؤلینو څخه یتیمانو ته د مرستو چمتو کولو په پار مننه وکړه.
په ورته وخت کې د اړمنو او بېوزلو یتیمانو کورنېو چې مرستې یې ترلاسه کړې وې د زابل ولايت د شهيدانو او معلولينو چارو رياست څخه یې خوښي وښوده، چې وخت پر وخت یې د یتیمانو ملاتړ او لاسنيوی کړی دی.
