په بغلان ولايت کې پر (۳۸۰) مستحقو کورنيو باندې مرستې ووېشل شوې
د بغلان ولایت د شهيدانو او معلولينو چارو رياست د یوې خیریه مؤسسې سره په همغږۍ د یاد ولایت اړوند د شهيدانو او معلولينو پر (۳۸۰) مستحقو کورنيو باندې اته (۸) ډوله خوراکي توکي په منظم او عادلانه ډول ووېشل.
د مرستو د وېش پر مهال د بغلان ولایت د شهيدانو او معلولينو چارو رئيس د یادې مؤسسې له مرستو مننه او قدرداني وکړه او د دې اړمن قشر لپاره یې د لازياتو مرستو پر برابرولو ټینګار وکړ.
په ورته وخت کې هغو مستحقو کسانو چې مرستې ترلاسه کړې وې، د شهيدانو او معلولينو چارو رياست له مرستو یې خوښي وښوده او په راتلونکي کې یې هم د ورته مرستو غوښتنه وکړه.
