معلولیت لرونکو وګړو او د شهیدانو وارثینو ته د برېښنایي تذکرو ځانګړی مرکز جوړېږي
معلولیت لرونکو وګړو او د شهیدانو وارثینو ته د برېښنایي تذکرو ځانګړی مرکز جوړېږي
د معلوماتو او مرکزي احصایې د ملي ادارې مرستیال عبدالباري یوسفي د شهیدانو او معلولینو په چارو کې د دولت وزیر ښاغلي لعل الدین آریوبي سره وکتل.
ښاغلي یوسفي وویل، چې د معلولیت لرونکو وګړو او د شهیدانو د وارثینو ستونزو ته په کتو او د دې وزارت په همکارۍ به دغه قشر ته د برېښنایي تذکرو د وېش په موخه کابل ښار کې ځانګړی مرکز پرانیزي. یوسفي زیاته کړه، چې له دې چارې یې موخه معلولینو او د شهیدانو وارثینو ته د برېښنایي تذکرو په وېش کې د اسانتیا او چټکتیا رامنځته کول دي او دا مرکز به په ټولو اړینو امکاناتو سمبال وي.
ښاغلي آریوبي د احصایې د ملي ادارې له دغه ګامه د مننې تر څنګ وویل، چې یاد قشر ته د برېښنایي تذکرو د ځانګړي مرکز پرانیستل یوه جدي اړتیا ده او باید د رامنځته کولو چارې یې باید ژر پیل شي.
ښاغلي آریوبي زیاته کړه، چې دغه قشر ته د برېښنایي تذکرو وېش له دې کبله هم مهم او ضروري دی، چې په ۱۳۹۹مالي کال کې د حقوقو د ورکړې پر مهال د برېښنایي تذکرو لرونکو شهیدانو وارثینو او معلولینو ته لومړیتوب ورکول کېږي. هیله من یو، چې تر ۱۳۹۹ کال پورې ډېر شمېر معلولین او د شهیدانو وارثین برېښنایي تذکرې ترلاسه کړي.
ښاغلي آریوبي یادونه وکړه، چې په نوي جوړېدونکي مرکز کې دې معلولیت لرونکو وګړو ته د رمپ، ویلچیر او نورې اسانتیاوې په پام کې ونیول شي.
