د کابل ښار په یوولسمه ناحیه کې پر سل (۱۰۰) مستحقو کورنيو باندې مرستې ووېشل شوې
د شهیدانو او معلولینو چارو وزارت د ګاونډیو هېوادونو څخه د راستانه شويو هېوادوالو د ملاتړ په موخه، د اچ، اچ، آر، ډي مرستندویه مؤسسې سره په همغږۍ د کابل ښار په یوولسمه ناحیه کې پر سل (۱۰۰) مستحقو کورنيو باندې د پخلنځي اړین وسایل، البسه او د حفظ الصحې توکي ووېشل.
د مرستو څخه ډیری هغه یتیم ماشومان برخمن شول، چې په کورنيو کې سرپرست نه درلود او له همدې امله، د ورځني ژوند د اړتیاوو په پوره کولو کې له ستونزو سره مخ وو.
د یادونې وړ ده چې د مرستو د وېش پر مهال د شهیدانو او معلولینو چارو وزارت د ټولنیزو خدمتونو د تنظیم آمر محترم صفي الله سدید او د اچ، اچ، آر، ډي مرستندویه مؤسسې مسؤلینو هم شتون درلود.
