د پکتیکا ولایت د شهیدانو او معلولینو چارو رئیس د ناروې کمېټې له مسؤلینو سره لیدنه وکړه
د پکتیکا ولایت د شهیدانو او معلولینو چارو رئیس محترم مولوی محمد نبي وهاج د ناروې کمېټې له مسؤلینو سره وکتل، په دې کتنه کې نوموړي د یاد ریاست له لوري معلولیت لرونکو وګړو ته د خدمتونو وړاندې کولو په هکله معلومات وړاندې کړل او زیاته یې کړه: د شهیدانو او معلولینو چارو وزارت رهبري تل هڅه کړې چې د معلولیت لرونکو وګړو میاشتني نغدي مساعدتونه پر وخت حواله کړي او حقونو ته یې ځانګړې پاملرنه شوې ده.
نوموړي وویل: د معلولینو حقوقو ته درناوې زموږ د ټولو ګډ مسؤلیت دی او د هغوی سره ښه چلند کول د ټولنې د هر وګړي انساني دنده ده.
په ورته وخت کې د ناروې کمېټې مسؤل هم معلولیت لرونکو وګړو د اسانتیاو رامنځته کولو په برخه کې د همکارۍ ژمنه وکړه.
