د پکتیا ولایت د شهیدانو ورثې او معلولینو ته رسیدګي مو مسولیت دی
د پکتیا ولایت د شهیدانو ورثې او معلولینو ته رسیدګي مو مسولیت دی
د شهيدانو او معلولينو په چارو کې د دولت وزير لعل الدين آريوبي د یاد ولایت د ولايتي شورا پخواني غړي حفيظ الله مبارز، مدني بنسټونو، د شهيدانو ورثې او د معلولينو استازو سره وکتل.
ښاغلي مبارز د شهیدانو او معلولینو په چارو کې د دولت وزارت وروستي پرمختګونو وستایل او د شهیدانو د کورنیو او معلولینو لپاره یې سترې لاسته راوړنې وګڼلې.
نوموړي په پکتيا کې د شهيدانو د ورثې، ښځینه او نارینه معلوليت لرونکو وګړو لپاره د کارموندنې، زده کړو او ظرفيت لوړونې فرصتونو برابرولو او نظامي او ملکي شهيدانو ورثې او معلولینو ته پر وخت د حقوقو په ورکړه ټینګار وکړ.
ښاغلي آریوبي د پکتيا د شهيدانو ورثې او معلولينو ته د خدمتونو او اسانتیاوو برابرولو په اړه معلومات وړاندې کړه وویل، چې تر ممکن حده به دغه قشر ته رسیدګي وکړي.
د ناستې په پای کې یې ښاغلي آریوبي ته د شهيدانو ورثې او معلولينو ته د غوره خدمتونو له کبله د (غوره برياليتوب) په نامه کتاب هم ډالۍ کړ.
