د پکتیا ولایت د شهیدانو او معلولینو چارو رئيس د یاد ولایت د احصایې او معلوماتو له رئیس سره وکتل
د پکتیا ولایت د شهیدانو او معلولینو چارو رئیس محترم مولوي محمد رسول حنفي د شهیدانو د فوتي راپورونو د اصلاح او یتیمانو ته د برېښنایي پېژندپاڼو د ورکړې په برخه کې د شته ستونزو د حل په موخه، د احصایې او معلوماتو له رئیس سره وکتل، په دې لیدنه کې د یتیمانو لپاره د پېژندپاڼو د برابرولو، د شهیدانو د فوتي راپورونو د اصلاح او نورو اړوندو موضوعاتو په تړاو خبرې وشوې.
په پای کې پریکړه وشوه چې د دواړو ریاستونو ترمنځ به د همغږۍ یو ټیم جوړ شي او په ګډه به چارې پر مخ یوسي، همداراز د شهیدانو د وارثینو لپاره به د پېژندپاڼو پروسه ساده او اسانه شي او د فوتي راپورونو د اصلاح لپاره به د ساحوي دفترونو له لارې خدمتونه پراخ شي، څو په یادې برخه کې شته ستونزې په بشپړ ډول هوارې شي.
