د پروان او کاپيسا ولایتونو د شهیدانو او معلولینو چارو ریاستونو لپاره نوي آمرین معرفي او په کار یې پېل وکړ
د شهیدانو او معلولینو چارو وزارت د مقام د لزوم دید او حکم پر اساس محترم مولوي شمس الرحمن حقاني چې تر دې وړاندې یې د پروان ولایت د شهیدانو او معلولینو چارو آمر په توګه دنده ترسره کوله، د کاپيسا ولایت د شهیدانو او معلولینو چارو د نوي آمر په توګه معرفي شو، او همداراز محترم خان افضل چې د ننګرهار ولایت د شهیدانو او معلولینو چارو آمر په توګه په دنده بوخت وو، د پروان ولایت د شهیدانو او معلولینو چارو آمر په توګه کارکوونکو ته معرفي او په کار یې پېل وکړ.
د یادو آمرینو د معرفي په غونډه کې د پروان ولایت د شهیدانو او معلولینو چارو رئیس محترم مولوي عبدالاحد سعد، د کاپیسا ولایت د شهیدانو او معلولینو چارو رئیس محترم مولوي ګل خان ګل محمد او اړوند کارکوونکو شتون درلود.
محترم مولوي عبدالاحد سعد د معرفي په غونډه کې نوي آمرینو ته په چارو کې د بریالیتوبونو هیله څرګنده کړه.
