د هلمند ولایت د شهیدانو او معلولینو چارو ریاست کې د اداري چارو د لا ښه والي په موخه اداري غونډه ترسره شوه
یاده غونډه چې د هلمند ولایت د شهیدانو او معلولینو چارو رئیس په مشرۍ ترسره شوه په هغه کې د یاد ریاست اړوند کارکوونکو ګډون کړی وو.
د دې غونډې په ترڅ کې د هلمند ولایت د شهیدانو او معلولینو چارو رئیس له لوري د یاد ریاست کارکوونکو ته د ورځنېو چارو د لا ښه ترسره کولو، پر وخت دندي ته د حاضریدلو، په وخت د راپور چمتو کولو، د شهیدانو ورثه ؤ او معلولینو ستونزو ته د رسیدګۍ او هغوی ته د لا ښو خدمتونو وړاندې کولو په موخه لازمې لارښوونې وشوې.
په ورته وخت کې د غونډې ګډونوالو هم د ترسره شویو فعالیتونو او لاسته راوړنو راپور او همداراز وړاندیزونه او ستونزې د شهیدانو او معلولینو چارو له رئیس سره شریکې کړې.
