د هرات ولایت د شهیدانو او معلولینو چارو ریاست له لوري د حجاجو د سهمیې د وېش په موخه قرعه کشي ترسره شوه
د هرات ولایت د شهیدانو او معلولینو چارو ریاست له خوا د یو شمېر شهیدانو د ورثه وو لپاره د حج سهمیې د قرعهکشي پروسه په شفاف ډول، د یاد ریاست رئیس محترم مولوي علاءالدين (سعد) په شتون کې ترسره شوه.
د هرات ولایت د شهیدانو او معلولینو چارو رئیس، محترم مولوي علاءالدين(سعد) د قرعه کشي پروسې په پېل کې ګډونوالو ته د ښه راغلاست ویلو ترڅنګ، د دې پروسې پر اهمیت او ارزښت خبرې وکړې او په دې پروسه کې یې د روڼټیا او شفافیت ډاډ ورکړ.
د قرعه کشي په پایله کې (۱۰) تنه مستحق کسان بریالي اعلان شول او نورو ګډونوالو هم د شهیدانو او معلولینو چارو له ریاست څخه د عادلانه او شفافې پروسې د ترسره کولو مننه وکړه.
