د نیمروز ولایت د شهیدانو او معلولینو چارو رئیس د شهیدانو کورنیو او معلولینو ته د خدمتونو وړاندې کولو د ارزونې په موخه د دلارام ولسوالۍ ته سفر وکړ

د نیمروز ولایت د شهیدانو او معلولینو چارو رئیس محترم مولوي میر احمد منیر د شهیدانو کورنیو او معلولینو ته د خدمتونو وړاندې کولو د ارزونې په موخه، د دلارام ولسوالۍ ته سفر وکړ، د یاد سفر پر مهال نوموړي د شهیدانو او معلولینو له ګڼو کورنیو سره له نږدې وکتل، د هغوی ستونزې او غوښتنې واورېدې.

همداراز محترم مولوي میر احمد منیر د هغې کورنې پوښتنې او لیدو ته ورغی، چې څلور غړي یې شهیدان شوي وو، د یادې کورنې له مشر محترم حاجي صالح محمد آقا سره یې خپله ژوره خواخوږي او همدردي څرګنده کړه، له نوموړي سره یې یوه اندازه نغدي مرسته هم ترسره کړه، او ډاډ یې ورکړ چې د شهیدانو او معلولینو چارو ریاست به د شهیدانو ورثه وو، د ستونزو د حل لپاره خپلو هڅو ته دوام ورکړي