د نظامي شهیدانو او معلولینو وارثانو د اسنادو طی مراحل لپاره نوې کړنلاره جوړه شوه
د نظامي شهیدانو او معلولینو وارثانو د اسنادو طی مراحل لپاره نوې کړنلاره جوړه شوه
چهارشنبه، د لیندۍ ۲۶مه، کابل- افغانستان
د افغان امنیتي او دفاعي ځواکونو د شهیدانو او معلولینو کورنیو ته د رسېدنې کمېټه د ملي امنیت سلاکار ډاکټر حمدالله محب په مشري خپله نوبتي ناسته وکړه.
په پيل کې د ملي امنیت سلاکار د نظامي قربانیانو د کورنیو د ملاتړ، اهمیت او خاصې توجه په اړه سپارښتنې وکړې او د نوې کړنلارې په مورد کې يې د اړونده ادارو مسوولانو ته د ژر عملي کولو لارښوونه وکړه، دغه راز يې په دې هکله له هغوی وغوښتل چې زياته همغږي وکړي.
ډاکټر محب وويل، د نظامي شهيدانو او معلولينو د کورنيو د ملاتړ لپاره بايد دا کمېټه لا زيات کار وکړي او د اسنادو د طی مراحل کولو د نوې کړنلارې د عملي کېدو نظارت ته او په دې برخه کې دې پېښېدونکو ستونزو ته پاملرنه زياته کړي.
