د نظامي شهيدانو او معلولینو د کورنیو پر ستونزو خبرې وشوې
د نظامي شهيدانو او معلولینو د کورنیو پر ستونزو خبرې وشوې
چهارشنبه، د مرغومي ۱۷مه، کابل ـ افغانستان
د افغان امنيتي او دفاعي سرتېريو د شهيدانو او معلولینو کورنيو ته د رسېدنې کمېټې د ملي امنيت شورا دفتر د سياسي چارو مرستیال صديق الله فهيم په مشري خپله نوبتي غونډه وکړه چې د معلوليت ملي سټراټېژي له مخې د نظامي معلولينو ستونزو او اړتياوو ته په پام پکې بحث او غور وشو.
په دې ناسته کې اړونده ادارو ته سپارښتنه وشوه چې د نظامي قربانيانو کورنیو د اسنادو د نوې کړنلارې په برخه کې لا زياته همغږي وکړي او پروسې چټکې شي.
د ملي امنيت د سلاکار سياسي مرستيال وويل، امنيتي او دفاعي سکټورونه دې خپل وړانديزونه او نظريات ژر تر ژره د شهيدانو او معلولينو په چارو کې د دولت له وزارت سره شريک کړي.
