د مالي او اداري چارو عمومي رئیس محترم مولوي کلیم الله افغان د کندهار ولایت له یو شمېر معلولینو سره نغدي مرسته ترسره کړه
د شهیدانو او معلولینو چارو وزارت د مالي او اداري چارو عمومي رئيس محترم مولوي کلیم الله افغان په مشرۍ يو پلاوي، چې د معلولینو د تثبیت آمر محترم حافظ عبدالکریم یې ملتیا کوله، کندهار ولایت ته، د هغو (١٥) تنو مجاهد معلولینو پوښتنې او لیدو ته ورغی، چې د تېر شل کلن اشغال پر مهال یې د خپل بدن دوه غړي له لاسه ورکړي وو.
د دې لیدنې پر مهال، د یادو معلولینو ستونزې او غوښتنې واوریدل شوې، د هغوی سره د همدردي او خواخوږي ترڅنګ، یو اندازه نغدي مرسته هم ترسره شوه.
یادې نغدي مرستې د عالیقدر امیرالمؤمنین حفظه الله تعالی د ځانګړي شفقت او مهربانۍ پر اساس، د هغو (۶۵) تنو مجاهد معلولینو لپاره ځانګړې شوې دي چې د شل کلن اشغال پر مهال یې د خپل بدن دوه غړي له لاسه ورکړي وو، دغه مرستې د شفافې قرعه کشۍ له لارې تنظیم شوې دي او دا (۱۵) تنه معلولین هغه کسان وو چې نومونه یې په قرعه کشي کې راوتلي وو.
د یادونې وړ ده چې محترم مولوي کلیم الله افغان تر دې وړاندې په غزني، زابل او هلمند ولایتونو کې هم ورته مجاهد معلولینو سره نغدي مرستې ترسره کړې وې.
