د غور ولایت د شهیدانو او معلولینو چارو رئیس د ياد ولايت له والي سره وکتل
د غور ولایت د شهیدانو او معلولینو چارو رئیس محترم الحاج مولوي ګل احمد متوکل چې د شهیدانو او معلولینو چارو وزارت د مرکزي مفتشینو آمر محترم مولوي امان الله جمالي یې ملتیا کوله، د یاد ولایت له والي محترم الحاج مولوي حیات الله مبارک سره لیدنه وکړه.
د دې لیدنې پر مهال د شهیدانو کورنیو او معلولیت لرونکو وګړو پر وړاندې شته ستونزې او ننګونې له محترم والي سره شریکې شوې، په ورته وخت کې والي صاحب هم ډاډ ورکړ چې د یتیمانو او معلولینو د کورنیو د ستونزو د حل په برخه کې به لازم اقدامات ترسره کړي.
