د شهیدانو او معلولینو چارو په وزارت کې د (۷۶۵) تنو یتیمانو سره نغدي مرسته ترسره شوه
د شهیدانو او معلولینو چارو وزارت د اسلامي هوساینې نړیوالې مؤسسې سره په همغږۍ د کابل ولایت اړوند پر (۷۶۵) تنو یتیمانو باندې مرستې ووېشلې، چې هر مستحق ته (۲۹۷۰) افغانۍ د نغدي مرستې په توګه ورکړل شوې.
د یادو مرستو یوه برخه پنځوس (۵۰) تنو مستحقو یتیمانو ته په فزیکي ډول ووېشل شوه، او پاتې برخه یې د بانکي سیسټم له لارې د مستحقو یتیمانو بانکي حسابونو ته انتقال شوه.
د مرستو د وېش پر مهال د دې وزارت د پروژو د تطبیق څخه د څارنې او ارزونې آمر محترم ملا مطیع الله ابوالمختار، د ټولنیزو خدمتونو د تنظیم ریاست استازي او د اسلامي هوساینې مؤسسې مسؤلینو شتون درلود.
