د شهیدانو او معلولینو چارو وزارت یو پلاوي غزني ولایت ته د سفر په ترڅ کې د یو شمېر فدايانو (استشهادیانو) کورنېو سره نغدي مرسته ترسره کړه
د شهیدانو او معلولینو چارو وزارت د بشري سرچینو رئیس محترم مولوي محمد موسی صدیقي په مشرۍ يو پلاوي چې د غزني ولایت د شهیدانو او معلولینو چارو رئيس محترم مولوي محمد انور برادر او د دې وزارت د خاصو شهیدانو آمر محترم مولوي محمد یې ملتیا کوله د غزني ولایت د مرکز په شمول په اندړ، قره باغ، مقر، ګیرو، واغظ، ده یک، خوګیاڼېو، زنخان ولسوالېو کې د فدايانو له (۴۱) کورنېو سره له نږدې وکتل، د هغوی ستونزې یې واوريدې او له هغوی سره یې نغدي مرسته هم ترسره کړه چې هرې کورنۍ ته پنځلس زره (۱۵۰۰۰) افغانۍ د نغدي مرستې په توګه ورکړل شوې.
د یادونې وړ ده چې یاد پلاوي تر دې وړاندې هم د غزني ولایت په ناوې او ګیلان ولسوالېو کې د فدايانو له کورنېو سره ورته مرستې ترسره کړې وې.
