د شهیدانو او معلولینو چارو وزارت یو تخنیکي پلاوي د یتیمانو، کونډو او معلولینو د نوي برېښنایي سیسټم د څارنې په موخه سمنګان ولایت ته سفر وکړ
د شهیدانو او معلولینو چارو وزارت د ډېټابېس او معلوماتو ریاست د ام، آی، اس سیسټم آمر محترم انجنير الله محمد دوست په مشرۍ یو تخنیکي پلاوي د سمنګان ولایت د شهیدانو او معلولینو چارو په ریاست کې د یتیمانو، کونډو او معلولینو اړوند د نوي برېښنایي سیسټم له چارو څخه هر اړخیزه ارزونه ترسره کړه.
یاد پلاوي د څارنې او ارزونې په پایله کې د سمنګان ولایت د شهیدانو او معلولینو چارو ریاست له کارکوونکو څخه په منظم ډول د ترسره شوېو چارو په پار مننه وکړه او د سیسټم د لاښه والي او سمون په موخه اړوند کارکوونکو ته لازمې لارښوونې وشوې.
په ورته وخت کې د سمنګان ولایت د شهیدانو او معلولینو چارو رئیس محترم قاري قیام الدین خالد د تخنیکي پلاوي د ښې ارزونې او څارنې څخه خوښي څرګنده کړه او په ښه توګه یې د یاد سیسټم د پر مخ وړلو ډاډ ورکړ.
