د شهیدانو او معلولینو چارو وزارت پالیسي تدوین او چاپ شوه
د شهیدانو او معلولینو چارو وزارت د مقام د حکم پر بنسټ او د اسلامي امارت د عمومي پالیسي په رڼا کې یتیمانو، کونډو او معلولینو ته د لا غوره خدمتونو وړاندې کولو په موخه د یاد وزارت لپاره پالیسي تدوین او چاپ شوه.
دغه پالیسي چې په پښتو او دري ژبو د بهرنیو اړیکو، پلان او تقنین چارو ریاست له لوري، د مؤظفې کمېټې په همکارۍ ترتیب شوې ده، موخه یې د شهیدانو کورنيو او معلولینو ته د خدمتونو وړاندې کولو تنظیم او هغوی ته د لازمو آسانتیاوو برابرول دي، همداراز په دې پالیسي کې د یتیمانو، کونډو او معلولینو ټول مادي او معنوي حقوق په پام کې نیول شوي دي.
د یادونې وړ ده چې د دې پالیسي په تطبیق سره به یتیمانو، کونډو او معلولینو ته خدمتونه په عادلانه، شفاف او مؤثر ډول وړاندې شي او د هغوی ژوند به مثبت بدلون و مومي.
