د شهیدانو او معلولینو چارو وزارت يو پلاوي د کنړ ولايت له والي سره ليدنه وکړه
د شهیدانو او معلولینو چارو وزارت د دعوت او ارشاد رئیس محترم مفتي عبدالاحد مسعود په مشرۍ یو پلاوي چې د کارکوونکو چارو رئیس محترم مولوي محمد موسی صدیقي او د مالي او حسابي چارو رئیس محترم مولوي محمد امین دروېش یې ملتیا کوله، د کنړ ولایت له والي الحاج مولوي قدرتالله ابو حمزه سره وکتل او د یاد ولایت د شهیدانو او معلولینو چارو ریاست لپاره د مناسبې ودانۍ د نشتون ستونزه یې ورسره شریکه کړه او د ریاست لپاره یې د مناسبې ودانۍ غوښتنه وکړه، تر څو د شهیدانو کورنیو او معلولینو ته لا غوره خدمتونه وړاندې شي.
په ورته وخت کې د کنړ والي د شهیدانو او معلولینو چارو ریاست لپاره د مناسبې ودانۍ د برابرولو په برخه کې د هر اړخيزې همکارۍ ډاډ ورکړ.
