د شهیدانو او معلولینو چارو وزارت د مرکزي مفتشینو نوی آمر معرفي او په کار یې پېل وکړ
د نوي آمر په معرفي غونډه کې د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان، د بشري سرچینو رئیس محترم مولوي محمد موسی صديقي، د دعوت او ارشاد رئيس محترم مفتي عبدالاحد مسعود، د کورنۍ پلټنې رئيس محترم مولوي احسان الله حقاني او د استخدام آمر محترم الحاج محمد انور سخي زاده حضور درلود.
محترم مولوي امان الله جمالي د شهیدانو او معلولینو چارو وزارت د مقام د لزوم دید او هدايت پر اساس د یاد وزارت د کورنۍ پلټنې په رياست کې د مرکزي مفتشینو د نوي آمر په توګه د بشري سرچینو رئیس محترم مولوي محمد موسی صديقي لخوا معرفي او په کار یې پېل وکړ.
د نوي آمر د معرفي پر مهال محترم مولوي محمد موسی صديقي د ورسپارل شوېو چارو پر مخ وړل یو ستر او دروند مسؤلیت وباله او د مفتشینو د نوي آمر څخه یې وغوښتل تر څو ورسپارل شوي مسؤلیتونه په ښې همغږۍ ترسره کړي او د چارو پر مخ وړلو کې یې ورته د الله جل جلاله څخه د مزید توفیق غوښتنه وکړه.
د یادونې وړ ده چې محترم مولوي امان الله جمالي تر دې مخکې د بغلان ولایت د شهيدانو او معلولينو چارو رئيس په توګه دنده ترسره کوله.
