د شهیدانو او معلولینو چارو وزارت د مالي او اداري چارو عمومي رئیس د دې وزارت د الحاقیه ودانۍ د بیارغونې چارو له پرمختګ څخه لیدنه وکړه
د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان چې د اطلاعاتو او عامه اړیکو رئیس محترم مفتي فیصل خاموش، د اداري او خدماتو رئیس محترم مولوي سردار محمد حبیب او یو شمیر نورو آمرینو یې ملتیا کوله، د یادې ودانۍ د بیارغونې چارو د پرمختګ څخه یې بررسي او لیدنه وکړه.
د یاد وزارت د مالي او اداري چارو عمومي رئیس د دې بررسۍ په ترڅ کې د يادې شوې ودانۍ له بېلابېلو برخو څخه ليدنه وکړه او د ساختماني شرکت مسؤلينو ته چې د یادې ودانۍ د بيارغونې مسؤليت لري، لارښوونه وکړه چې د بيارغونې بهير دې چټک کړي.
همداراز د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان د هغه جومات د ساختماني چارو څخه هم لیدنه وکړه چې د دې وزارت په انګړ کې یې د جوړیدو چارې پر مخ روانې دي.
د یادونې وړ ده چې د شهیدانو او معلولینو چارو وزارت الحاقیه ودانۍ په تیرو پنځه ویشتو کلونو کې ویجاړه او ورڅخه ګټه نه اخیستل کیده چې د اسلامي امارت د واکمنيدو څخه وروسته یې ځینې برخې رغول شوې او د پاتې برخو د بیارغونې چارې یې په چټکۍ روانې دي.
