د شهیدانو او معلولینو چارو وزارت د شهیدانو د حقوقو د تثبیت نوی آمر معرفي او په کار یې پیل وکړ
په همدې موخه په جوړه شوې غونډه کې د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان، د بشري سرچینو رئیس محترم مولوي محمد موسی صدیقي، د شهیدانو چارو رئیس محترم مولوي روح الله نصرت، د اداري او خدماتو رئیس محترم مولوي سردار محمد حبیب، د معلولینو د توانبخشۍ رئیس محترم مولوي عبدالنافع منتفع، د ډیټابیس او معلوماتو رئیس محترم الله محمد دوست او د شهیدانو چارو ریاست کارکوونکو ګډون درلود.
د معرفي په دې غونډه کې د مالي او ادارې چارو عمومي رئیس محترم مولوي کلیم الله افغان د محترم مولوي شاه ولي د تجربو او سوابقو په اړه هراړخیزه خبرې وکړې او هغه یې د شهیدانو وارثینو ته د خدمتونو د وړاندې کولو په برخه کې یو مناسب شخص وباله. نوموړي د خپلو خبرو په ترڅ کې په اداره کې تغییر او بدلون یو اصل وګاڼه او نوي آمر ته یې په چارو کې د بریالیتوب هیله څرګنده کړه.
محترم مولوي شاه ولي د شهیدانو او معلولینو چارو وزارت د لزوم دید پر اساس د یاد وزارت د بشري سرچینو رئیس محترم مولوي محمد موسی صدیقي له خوا د شهیدانو د حقوقو د تثبیت د نوي آمر په توګه د یاد ریاست کارکوونکو ته وروپېژندل شو.
د شهیدانو د حقوقو د تثبیت د نوي آمر معرفي کولو په پروګرام کې د بشري سرچینو رئیس محترم مولوي محمد موسی صدیقي د یاد آمریت له کارکوونکو څخه وغوښتل چې په پوره همغږۍ سره ورسپارل شوې دندې ترسره کړي.
په دې غونډه کې د شهیدانو چارو رئیس محترم مولوي روح الله نصرت د یاد ریاست د کاري بهیر په اړه معلومات وړاندې کړل او محترم مولوي شاه ولي ته یې د شهیدانو د حقوقو د تثبیت د نوي آمر په توګه د ټاکل کیدو مبارکي وویله او په چارو کې یې نوموړي ته د بریالیتوب هیله څرګنده کړه.
