د شهیدانو او معلولینو چارو وزارت د رهبرۍ غونډه وشوه

sadiq_admin
سه‌شنبه ۱۴۰۰/۱/۱۷ - ۱۴:۲۵
ss

د شهیدانو او معلولینو چارو وزارت د رهبرۍ غونډه وشوه

د شهیدانو او معلولینو چارو د سرپرست وزیر پوهنمل حمید الله فاروقي په مشرۍ د وزارت د رهبرۍ غونډه ترسره شوه، چې مرستیالانو، رییسانو، مشاورینو او نورو مسولینو پکې ګډون درلود.

په پیل کې ښاغلي فاروقي چارو ته د پر وخت د رسيدنې تر څنګ وويل: هغو کسانو چې اسناد يې د اسنادو د سمونې او کتنې کميټو څخه خلاص شوي او برېښنايي تذکرې يې اخيستي دي، په مرکز کابل او ولايتونو کې دې د هغوی لپاره ژر تر ژره د حقونو د ورکړې پروسه پيل شي او د کومو کسانو چې د اسنادو پروسه يې لا هم بشپړه نه ده، د ارزونې بهير د ورته چټک کړل شي.

ښاغلي فاروقي د وزارت کارکوونکو ته لارښوونه وکړه، چې د مراجعينو ستونزو ته د رسېدنې لپاره دې په مرکز او ولايتونو کې د خپلو چارو اړوند دفترونو دهليزونو کې د شکايتونو صندقونه نصب او د ارزونې په پار دې ورته مشخصې کميټې رامنځته شي، څو د چا حقوق ضايع نه شي.

د شهيدانو او معلولينو چارو وزارت سرپرست د وزارت له چارواکو وغوښتل، چې د جمهوري رياست او کابينې لارښوونې د جدي تعقيب کړي او د څارنې لپاره دې ورته ځانګړې تګلاره جوړه کړي.

ښاغلي فاروقي زياته کړه، چې د لا زياتو اصلاحاتو د راوستو په موخه دې د ښايسته سالارۍ او تخصص پر بنسټ د قوانينو او مقرراتو سره سم او د اداري او ملکي خدمتونو کميسيون سره په همغږۍ دې د وزارت خالي بستونه ډک کړل شي.

تازه خبرونه

سه‌شنبه ۱۴۰۴/۴/۱۷ - ۱۴:۲۰
Background image

د شهیدانو ورثه وو او معلولینو د پالنې مرکز اړوند د فني او حرفوي زده کړو پر (۱۰۲) تنو زده کوونکو باندې مرستې ووېشل شوې

د شهیدانو ورثه وو او معلولینو د پالنې مرکز له لوري، د (HHRD) مرستندویه مؤسسې په همکارۍ، پر (۱۰۲) تنو د فني او حرفوي زده ‌کړو پر زده کوونکو باندې مرستې ووېشل شوې. په یادو مرستو کې شپږ (۶. . .

سه‌شنبه ۱۴۰۴/۴/۱۷ - ۱۰:۹
Background image

په غزني ولایت کې پر یو شمېر یتیمانو باندې زرنج نقليه وسایط ووېشل شول

د غزني ولایت د شهیدانو او معلولینو چارو ریاست، د نصیر خیریه بنسټ په مالي ملاتړ، لسو (۱۰) تنو یتیمانو ته د زرنج نقلیه وسایط ووېشل.

یاد پروګرام د یتیمانو د اقتصادي پیاوړتیا او ځان‌. . .

دوشنبه ۱۴۰۴/۴/۱۶ - ۹:۶
Background image

د غزني ولایت د شهیدانو او معلولینو چارو ریاست له لوري د (HHRD) مؤسسې فعالیتونه وستایل شول

د غزني ولایت د شهیدانو او معلولینو چارو رئیس محترم ملا عبدالحکیم دانش چې د‌ ټولنیزو خدمتونو مدير محترم نصرت الله پتمن يې ملتيا کوله، په ياد ولایت کې د یتیمانو او معلولیت لرونکو وګړو. . .

BACK TO NEWS