د شهیدانو او معلولینو چارو وزارت د رهبرۍ شورا غونډه ترسره شوه
د شهیدانو او معلولینو د چارو وزارت د مشرتابه شورا غونډه د اړونده ادارو د رئیسانو په شتون کې د دغه وزارت د برنامو او همغږۍ مرستیال مولوی عبدالرزاق آخوند په مشرۍ ترسره شوه.
په دې غونډه کې مولوی عبدالرزاق آخوند د شهیدانو د وارثینو او معلولیت لرونکو وګړو د حقوقو د ویش په اړه خبرې وکړې او زیاته یې کړه چې د دې پروسې وېش به په نژدۍ راتلونکي کې پیل شي. د شهیدانو او معلولینو چارو وزارت د مالي او اداری چارو عمومی رئیس مولوی كلیم الله افغان هم د شهیدانو وارثینو او معلولیت لرونکو وګړو ته د ځانګړې شوې بودیجې په اړه اړین توضیحات وړاندې کړل .
په پاۍ کې پریکړه وشوه چې هغو کسانو چي د تثبیت پروسه یې بشپړه کړې وي ،دحقوقو او امتیازاتو وېش به د بانکونو له لارې د هغوی حساب ته اضافه شي او هغو کسانو چي د تثبیت پروسه يې بشپړه کړې نه وي حقوق او امتیازات به يې د معتمدینو له خوا په نغدي ډول ورکول کیږي. او په همدې توګه باصلاحیته هیات وټاکل شو چي د دې پروسې د لا چټکتیا لپاره دې ریاست الوزرا ته وړاندیز وکړي.
همدا رنګه مولوی محمد موسی صدیقي د غونډې په پاۍ کې د بالمقطع کارکوونکو د قراردادونو د پاې ته رسیدو او ستونزو او ننګونو په اړه خبرې وکړې او ځانګړې هیات و ټاکل شو تر څو د بالمقطع کارکوونکو د قراردادونو ستونزې په ښه توګه وڅیړي.
