د شهیدانو او معلولینو چارو وزارت د دعوت او ارشاد رئیس د کندز ولایت له والي سره لیدنه وکړه
د شهیدانو او معلولینو چارو وزارت د دعوت او ارشاد رئیس محترم مفتي عبدالاحد مسعود په مشرۍ يو پلاوی چې کندز ولایت ته د فدایانو کورنېو لیدو او پوښتنې په موخه ورغلی وو، نن یې د یاد ولایت له والي محترم حاجي ملا محمد خان دعوت سره وکتل.
په دې کتنه کې د کندز ولایت د شهیدانو او معلولینو چارو ریاست په وړاندې د شته ستونزو او ننګونو او همداراز کومې مرستې چې د خیریه مؤسسو او بنسټونو له لوري په دې ولایت کې ترسره کیږي په هغو کې یتیمانو، کونډو او معلولیت لرونکو وګړو ته د لومړیتوب ورکولو په هکله مفصلې خبرې وشوې.
په ورته وخت کې د کندز ولایت والي د شهیدانو او معلولینو چارو ریاست ترسره شوي فعالیتونه او کړنې وستایلې او یتیمانو، کونډو او معلولینو لپاره یې د مرستو برابرو په برخه کې ژمنه وکړه.
