د شهیدانو او معلولینو چارو وزارت د خاصو شهیدانو آمر په لوګر ولایت کې د شهیدانو کورنیو سره له نږدې لیدنه وکړه
د شهیدانو او معلولینو چارو وزارت د خاصو شهیدانو آمر محترم مولوي محمد لوګر ولایت یې د سفر په ترڅ کې د هغې کورنۍ لیدنې او پوښتنې ته ورغی چې د اسلام سپېڅلي دین د ساتنې او د ګران هېواد د خپلواکۍ لپاره یې درې زامن شهیدان شوي وو.
محترم مولوي محمد د شهیدانو پاک روح ته دعا وکړه او کورنۍ ته یې د ډاډګېرنې او خواخوږۍ مراتب وړاندې کړل.
په ورته وخت کې د شهیدانو پلار محترم الحاج محمد حبيب اکا د شهیدانو او معلولینو چارو وزارت له رهبرۍ څخه مننه وکړه چې تل یې د شهیدانو کورنیو ته ځانګړې پاملرنه کړې او هغوی سره یې مرستې ترسره کړې دي.
