د شهیدانو او معلولینو په سکتور کې د اصلاحاتو رامنځته کولو او ستونزو ته د رسیدنې بهیر به نور هم چټک شي
د شهیدانو او معلولینو په سکتور کې د اصلاحاتو رامنځته کولو او ستونزو ته د رسیدنې بهیر به نور هم چټک شي
د شهیدانو او معلولینو په چارو کې د دولت وزیر ښاغلي لعل الدین آریوبي نن د خپل کار په دفتر کې په ولسي جرګه کې د دایکندي د خلکو له استازی ښاغلی علی اکبر جمشیدی او د یاد ولایت د ولایتي شورا له یو شمیر وکیلانو سره وکتل.
ښاغلي جمشیدي د شهیدانو او معلولینو په چارو کې د دولت وزارت د رهبرۍ له لوري د مرکز او ولایتونو په کچه د وروستیو اصلاحاتو او پرمختګونو ستاینه وکړه وویل، چې په تېر کې په دې برخو کې ډېرې ستونزې موجودې وې، اوسمهال یې له منځه وړلو ته جدي اړتیا وه.
دوی همداراز د دایکندي ولایت د ځینو شهیدانو د ورثې او معلولیت لرونکو وګړو ستونزې هم شریکې کړې. د دې تر څنګ یې د اصلاحاتو په روان بهیر هم ټینګار وکړ.
ښاغلي آریوبي وویل، چې په دې اداره کې بنسټیز اصلاحات او روڼتیا رامنځته کول یې د کارونو په لومړیتوب کې و او ژمن دی، چې یاده لړۍ دومداره وساتي او دغه بهیر نور هم چټک کړي. ښاغلي آریوبي د ولس استازو ته ډاډ ورکړ، چې د مرکز او ولایتونو په کچه به د شهیدانو د ورثې او معلولیت لرونکو وګړو ستونزو ته هر اړخیزه رسیدګي وشي.
