د شهيدانو ورثينو او معلوليت لرونکو وګړو لپاره دې د برېښنايي پېژندپاڼو د وېش لړۍ چټکه شي
د شهيدانو ورثينو او معلوليت لرونکو وګړو لپاره دې د برېښنايي پېژندپاڼو د وېش لړۍ چټکه شي
نن پنجشنبه د وږې(سنبلې) په ۶مه، د شهيدانو او معلولينو په چارو کې د دولت وزارت، د نظامي شهيدانو او معلولينو د انسجام مرستیالې صبرۍ اندړ، د وزارت برېښنایي پېژندپاڼو او برېښنايي سيسټم مسؤلو چارواکو سره ناسته وکړه او د برېښنایي پېژندپاڼو د وېش په برخه کې يې د اسانتياوو په رامنځته کولو او د پروسې پر روڼوالي ټينګار وکړ.
آغلې صبرۍ اندړ ددې پروسې له اړوند چارواکو وغوښتل، چې د شهيدانو ورثينو او معلوليت لرونکو وګړو لپاره دې د برېښنايي پېژندپاڼو د وېش لړۍ چټکه، دقيقه او هر چا ته د په خپل نوبت پېژنډپاڼه ورکړل شي.
ددې په خبره، چې له دې سره به د شهيدانو ورثين او معلوليت لرونکي وګړي سيسټم ته دننه او مستحقين به پر خپل وخت حقوق او امتيازات ترلاسه کړي. نوموړې ژمنه وکړه، چې په خپل وزارت کې به د شهيدانو او معلولينو لپاره د برېښنایي پېژندپاڼو د پروسې د چټکتيا لپاره ټولې اسانتياوې برابروي، تر څو ياده پروسه ژر او په سمه بڼه پلې شي.
د يادولو ده، چې د شهيدانو او معلولينو په چارو کې د دولت وزارت، د راتلونکې يکشنبې په ورځ د شهيدانو ورثينو او معلوليت لرونکو وګرو لپاره د برېښنايي پېژندپاڼو چټکه نوملیکنه او وېش لړۍ پيلوي.
