د شهيدانو ورثه ؤ او معلولينو د پالنې په مرکز کې (۱۲۰) تنو زده کوونکو نغدي او د خوراکي توکو مرستې تر لاسه کړې
د (HHRD) خیریه مؤسسې د شهیدانو او معلولینو چارو وزارت سره په همغږۍ د شهيدانو ورثه ؤ او معلولينو د پالنې په مرکز کي د حرفوي زده کړو (۱۲۰) تنو زده کوونکو ته مرستې چې په هغه کې شپږ ډوله خوراکي توکي (غوړي، اوړه، بوره، لوبيا، مالګه او دال) شامل وو، وویشل. همداراز د دې تر څنګ یادو زده کوونکو ته د ترانسپورت د کرایې په موخه هم مرسته ترسره شوه چې هر زده کوونکي ته دري زره او شپږ سوه او شپیته (۳۶۶۰) افغانۍ ورکړل شوې.
د يادونې وړ ده چې د یادو مرستو د ویش پر مهال د شهيدانو ورثه ؤ او معلولينو د پالنې مرکز رئيس محترم ملا رحمت اللّٰه خالد د یادې مؤسسې له مرستو څخه مننه وکړه.
