د بلخ ولايت د شهیدانو او معلولینو چارو رئیس د چمتال په ولسوالۍ کې د شهیدانو کورنیو سره نغدي مرسته ترسره کړه
د بلخ ولايت د شهيدانو او معلولينو چارو رئيس محترم مولوي جان محمد حکمت چې د خاصو شهیدانو مدیر محترم سيد الرحمن محمدي یې ملتيا کوله، په چمتال ولسوالۍ کې د شهیدانو له درې ((٣))کورنیو سره له نږدې وکتل، د هغوی ستونزې او غوښتنې يې واوريدې او ورسره یې یوه اندازه نغدي مرسته هم ترسره کړه.
محترم مولوي جان محمد حکمت د شهیدانو له کورنیو سره په لیدنه کې وویل: په هېواد کې اسلامي نظام ستاسو د قربانیو په برکت راغلی دی او اسلامي امارت به هېڅکله ستاسو سرښندنې او قربانۍ هېرې نه کړي.
