د بغلان ولایت د شهیدانو او معلولینو چارو رئیس د دې ولايت په یو شمېر ولسوالېو کې د شهيدانو کورنېو سره نغدي مرستې ترسره کړې
د بغلان ولایت د شهيدانو او معلولینو چارو رئیس محترم ملا احسان الله عابد په مشرۍ یو پلاوی چې د شهیدانو او معلولینو چارو آمر محترم قاري عبدالحکیم نافد یې ملتیا کوله، د دې ولايت په پلخمري ، ډنډ غوري او دهنه غوري ولسوالېو کې د یو شمېر شهیدانو کورنېو سره یې له نږدې وکتل، د هغوی ستونزې او غوښتنې واوریدې، د شهيدانو پاک روح ته یې د دعا تر څنګ له یادو کورنېو سره نغدي مرستې وکړې.
په ورته وخت کې د شهيدانو کورنېو هم د بغلان ولایت د شهيدانو او معلولینو چارو رئیس له خواخوږۍ او همدردي څخه خوښي وښوده او د اسلامي نظام د لا پیاوړتیا لپاره یې دعا وکړه.
