دولتي ادارې بايد د شهیدانو ورثې او معلولیت لرونکو وګړو ستونزو ته د حل په موخه ځانګړي پلانونه جوړ کړي
دولتي ادارې بايد د شهیدانو ورثې او معلولیت لرونکو وګړو ستونزو ته د حل په موخه ځانګړي پلانونه جوړ کړي
د شهیدانو او معلولینو په چارو کې د دولت وزیر ښاغلي لعل الدین آریوبي،ع د جمهوري رياست د لومړي مرستیال له سلاکار، ښاغلي بصیر محمدي سره وکتل او د دولتي ادارو سره د وزارت له لوري د شوو هوکړه ليکونو د پلي کیدو په اړه یې خبرې وکړې.
د شهیدانو او معلولینو په چارو کې د دولت وزیر لعل الدین اریوبي، د جمهوري رياست لومړي مرستیال له سلاکار سره په کتنه کې د شهیدانو او معلولینو وارثینو ته د خدماتو وړاندې کولو لپاره د اړونده ادارو تر منځ د همغږۍ پر زياتوالي، د معلولینو لپاره د ملي ستراتیژۍ پر پلي کولو او کاري پلان بحث وکړ.
نوموړي زياته کړه چې د جمهوري رياست لومړی معاونيت د شهیدانو او معلولینو په چارو کې د دولت وزارت او دولتي ادارو ترمنځ همغږي رامنځته کولو کې مهم او بنسټيز رول لوبولای شي او د بين الوزارتي غونډو د زياتولو غوښتنه يې وکړه.
ورپسې د جمهوري رياست لومړي مرستیال سلاکار ښاغلي بصیر محمدي د شهیدانو د وارثینو ستونزې، د معلولینو دندې، روغتیا، زده کړې او روزنې خدماتو چمتو کول او د سرپناه برابرول د دولت د لومړیتوبونو په توګه مطرح کړل.
ښاغلي محمدي د شهیدانو او معلولینو په چارو کې د دولت وزارت او نورو اړونده ادارو ترمنځ په همغږۍ ټينګار وکړ او زياته يې کړه، چې د وزارتونو تر منځ به ګډه ناسته ترسره شي، کوم چې به د اړونده ادارو د خدمتونو د ارزونې تر څنګ به پکې د معلولینو لپاره د ملي ستراتیژۍ پلي کیدل او د عمل پلان په اړه بحث وشي.
