د پکتیا ولایت د شهیدانو او معلولینو چارو رئيس د یاد ولايت یو شمېر ولسواليو ته سفرونه ترسره کړل
د پکتیا ولایت د شهیدانو او معلولینو چارو رئيس محترم مولوي محمد رسول حنفي چې د ياد رياست اړوند مدیرانو یې ملتيا کوله د میرزکه، سیدکرم، احمدآباد، وزې ځدراڼ، ګرده څېړې او شواک ولسوالیو ته درې ورځني سفرونه ترسره کړل، نوموړي د مجردو شهیدانو کورنیو غوښتنې او اړتیاوې له نږدې واوریدلې او ورسره یې نغدي مرستې ترسره کړې.
د شهیدانو او معلولینو چارو رئیس یادو ولسوالیو ته د سفر پر مهال یتیمانو، کونډو او معلولینو ته د خدمتونو وړاندې کولو څرنګوالی او د کور په کور سروې بهیر له نږدې و ارزوه، د چارو د لا ښه والي او اغېزمنتیا په موخه یې اړوندو کارکوونکو ته لازمې سپارښتنې او لارښوونې وکړې، څو مستحقو کسانو ته پر وخت او معیاري خدمتونه وړاندې شي.
همداراز نوموړي د یادو ولسوالیو له ولسوال صاحبانو سره هم وکتل او له هغوی یې وغوښتل چې د پخوا په څېر دې د یتیمانو، کونډو او معلولینو د خدمتونو د وړاندې کولو په برخه کې خپلې همکارۍ لا پیاوړې او دوامداره وساتي.
