د شهيدانو ورثه ؤ او معلولینو د پالنې په مرکز کې پر (۱۲۰) تنو زده کوونکو باندې مرستې وویشل شوې
د شهيدانو او معلولینو چارو وزارت د (HHRD) خیریه مؤسسې سره په همغږۍ د شهيدانو ورثه ؤ او معلولینو د پالنې په مرکز کې پر (۱۲۰) تنو د حرفوي زده کړو په زده کوونکو باندې د خوراکي توکو مرسته چې په هغه کې( غوړي، اوړه، بوره، لوبيا، دال، او مالګه) شامل وو، وویشل شوه او هر زده کوونکي ته (۳۶۶۰) افغانۍ د نغدي مرستو په توګه هم ورکړل شوې.
د یادو مرستو د ویش پر مهال د شهيدانو ورثه ؤ او معلولینو د پالنې مرکز رئیس محترم ملا رحمت الله خالد، د ټولنیزو چارو د تنظیم او د څارنې او ارزونې رياستونو استازو او د (HHRD) خیریه مؤسسې مسؤلينو حضور درلود.
په ورته وخت کې د شهيدانو ورثه ؤ او معلولینو د پالنې مرکز رئیس محترم ملا رحمت الله خالد د یادې مؤسسې له مرستو مننه وکړه.
