په کنړ ولایت کې پر (۲۵۰) تنو مستحقو یتیمانو باندې خوراکي توکي وویشل شول
د (HHRD) خیریه مؤسسې له لوري او د کنړ ولایت د شهیدانو او معلولینو چارو ریاست په همغږۍ د دې ولایت په شیګل ولسوالۍ کې پر (۲۵۰) تنو یتیم زده کوونکو باندې خوراکي او غیر خوراکي توکي چې په هغه کې اوړه، وریجې، لوبیا، غوړي، بوره، مالګه او همداراز البسه شامل وو، وویشل شول.
په ورته وخت کې هر یتیم ته (۳۰۰) افغانۍ د نغدي مرستې په توګه هم ورکړل شوې.
د یادو مرستو د ویش پر مهال د دې ولایت د شهيدانو او معلولينو چارو رئيس محترم مفتي عبيدالله حقاني د وزارت رهبرۍ ترڅنګ له يادې مٶسسې څخه هم مننه وکړه.
د یادونې وړ ده چې د مرستو د وېش پر مهال د شهيدانو او معلولينو چارو آمر، د ټولنيزو چارو مدير او د يادې ولسوالۍ د شهيدانو او معلولينو چارو مدير هم حضور درلود.
