په کنړ ولايت کې (۲۳۷) تنو مستحقو کسانو باندې نغدي مرستې ووېشل شوې
د کنړ ولايت د شهيدانو او معلولینو چارو رياست د شپول خیریه مؤسسې سره په همغږۍ د دې ولایت په سرکاڼو ولسوالۍ کې پر (۲۳۷) تنو یتیمانو، کونډو او معلولینو باندې نغدي مرستې ووېشلې چې هر مستحق ته (۳۲۰۰) افغانۍ د نغدي مرستې په توګه ورکړل شوې.
د یادو مرستو د وېش پر مهال د کنړ ولايت د شهيدانو او معلولینو چارو رئيس محترم مولوي عبيدالله حقاني د یادې مؤسسې له مسؤلینو او همداراز د سرکاڼو ولسوالۍ له ولسوال څخه مننه وکړه چې د دې اړمن قشر لاسنیوی کړی او د مرستو په ویش کې هغوی ته لومړیتوب ورکړی دی .
