په ننګرهار ولایت کی (٥٠٠) تنو مستحقو بیوزله یتیمانو او معلولینو باندې مرستې ووېشل شوې
د ننګرهار ولایت د یتیمانو د ملاتړ او خوندیتوب په موخه، د افغانستان لپاره د إنارة خیریه مؤسسې سره په همغږۍ د ننګرهار ولایت اړوند شیرزادو ولسوالی پر (٥٠٠) تنو مستحقو معلولینو یتیمانو او بیوزله ماشومانو باندې ژمنې مرستې چې په هغه کې د ماشومانو البسه او کمپلې شاملې وې، په شفاف او منظم ډول ووېشلې.
د یادو مرستو د ويش په مهال د ننګرهار ولایت شهیدانو او معلولینو چارو ریس محمد صابر ځواک د لغمان ولایت د شهیدانو او معلولینو چارو ریاست ریس حاجی فیض الله جواد او د یادی مؤسسې د مسؤلينو په شتون کې پر مستحقو کسانو باندې ووېشل شوې.
