په لوګر ولایت کې د ملي او نړیوالو خیریه بنسټونو له استازو سره غونډه ترسره شوه
د لوګر ولایت د شهیدانو او معلولینو چارو رئیس محترم مولوي باقی بالله فضلي، په هغه غونډه کې چې د ولایت مقام د غونډو په تالار کې د امارتي ادارو مسؤلینو او د ملي او نړیوالو خیریه بنسټونو د استازو په حضور کې جوړه شوې وه، ګډون وکړ.
په دې غونډه کې محترم مولوي باقی بالله فضلي په لوګر ولایت کې د ثبت شویو یتیمانو، کونډو او معلولینو وروستي ارقام، نور اړوند معلومات، د هغوی پر وړاندې شته ستونزې، ننګونې او د هغوی د ژوند د ښه والي اړتیاوې د غونډې له ګډونوالو سره شریکې کړې.
د لوګر ولایت د شهیدانو او معلولینو چارو رئیس د خیریه بنسټونو له استازو وغوښتل چې د یتیمانو د کفالت او د معلولینو لپاره د ویلچرونو او نورو مهمو مرستو په برابرولو کې فعاله همکاري وکړي.
