په ارزګان ولایت کې (۱۲۰) تنو مستحقو یتیمانو مرستې ترلاسه کړې
د ارزګان ولايت د شهيدانو او معلولينو چارو رياست له لوري په یاد ولایت کې د دارالایتام او مدرسې پر (۱۲۰) تنو یتیمانو باندې د ژمنېو توکو مرستې ووېشل شوې.
د مرستو د وېش پر مهال د ارزګان ولايت د شهيدانو او معلولينو چارو رئيس محترم مولوي عتیق الله منظور ډاډ ورکړ چې هڅه به وکړي ترڅو د یتیمانو لپاره لا ډيرې مرستې راجلب او پر هغوی ووېشي.
په ورته وخت کې د دارالایتام مسؤلینو هم د شهيدانو او معلولينو چارو ریاست له مرستو څخه مننه وکړه او یتیمانو ته یې د لازياتو مرستو پر چمتولو کولو ټینګار وکړ.
