له ډاګټر ناکامورا سره په برید کې د شهیدو شویو سرتېرو د کورنیو ستونزو ته به رسیدګي وشي
له ډاګټر ناکامورا سره په برید کې د شهیدو شویو سرتېرو د کورنیو ستونزو ته به رسیدګي وشي
د ننګرهار ولایت د شهیدانو او معلولینو چارو آمر ښاغلي طیب معصوم د شهیدانو او معلولینو په چارو کې د دولت وزیر جلالتماب لعل الدین آریوبي په لارښوونه پرون جمعه(د لیندۍ ۲۲) ډاګټر ناکامورا سره په برید کې د شهیدو شویو سرتېرو کورنیو ته د تسلیت او فاتحې لپاره ورغلی و.
ښاغلي معصوم له یادو کورنیو سره د وزارت مقام د رهبرۍ د خواشینۍ او تسلیت پیغام شریکولو تر څنګ د هړ اخیزې همکارۍ ډاډ ورکړ، وویل چې ستونزو ته به یې رسیدګي وشي. نوموړي دغو کورنیو ته د خپلو شهیدانو د حقوقو اخیستو کتابچې جوړولو د قانوني مراحلو به اړه معلومات هم وړاندې کړه.
په دغو شهیدانو کې د ډاګټر ناکامورا یو تن ساتونکی او موټر چلوونکی شامل دي او کورنیو یې وویل، چې له دواړو شهیدانو پاتې یتیمان ورترغاړې او خورا بد اقتصادي وضعیت سره مخامخ دي.
د یادونې وړ ده، چې د دې پېښې د نورو شهیدانو کورنیو سره به هم لیدنه ترسره او ستونزو ته به یې رسیدګي وشي.
