د پروان ولایت د شهیدانو او معلولینو چارو ریاست کې د دعوت او ارشاد له چارو څخه ارزونه ترسره شوه
د شهیدانو او معلولینو چارو وزارت د دعوت او ارشاد رئیس محترم مفتي عبدالاحد مسعود په مشرۍ یو پلاوي چې د مالي او حسابي چارو رئیس محترم مولوي محمد امین دروېش او د یاد ریاست کارکوونکي محترم مولوي سخي جان یې ملتیا کوله، پروان ولایت ته یې د سفر پر مهال د شهیدانو او معلولینو چارو ریاست اړوند د دعوت او ارشاد له چارو څخه یې هر اړخیزه ارزونه ترسره کړه.
محترم مفتي عبدالاحد مسعود د پروان ولایت د شهیدانو او معلولینو چارو ریاست کارکوونکو ته د دعوت او ارشاد چارو په هکله لازمې سپارښتنې وکړې او د دعوت او ارشاد له مسؤل سره یې یو اندازه نغدي مرسته هم ترسره کړه.
