د شهیدانو او معلولینو چارو وزارت د اطلاعاتو او عامه اړیکو ریاست له لوري د ترسره شویو کړنو او اجراآتو څخه ارزونه ترسره شوه
د شهیدانو او معلولینو چارو وزارت د څارنې او ارزونې ریاست د پروژو څخه د څارنې او ارزونې آمر محترم ملا مطیع الله ابوالمختار په مشرۍ یو هیئت چې د یاد ریاست اړوند دوه تنو مسلکي غړو هر یو محترم سلیم ګل شمشاد او محترم محمد شفیق شېرزاد یې ملتیا کوله، د اطلاعاتو او عامه اړیکو ریاست له لوري په روان مالي کال کې ترسره شوې کړنې او اجراآت په هر اړخیز ډول وارزولې.
د ارزونې پر مهال د نشراتو اړوند ټولې برخې او د عامه اړیکو مؤثریت په دقت سره وڅېړل شول. همدارنګه د اجرائیه مدیریت برخه له نږدې تر ارزونې لاندې ونیول شوه، چې پکې د ثبت شوو رسمي اسنادو، د چارو د تنظیم څرنګوالي او نورو اړوندو موضوعاتو ارزونه شامل وه. سربېره پر دې، د کال سنټر ټول فعالیتونه له نږدې و ارزول شول، څو د مراجعينو د اړیکو مدیریت، د هغوی د غوښتنو د ثبت او د ځواب ویلو څرنګوالی معلوم شي، په پای کې د چارو د لاښه والي په موخه کارکوونکو ته لازمې لارښوونې وشوې.
