د شهیدانو او معلولینو چارو وزارت او ژوند د هوساینې او پرمختګ لپاره مؤسسې ترمنځ د هوکړه لیک لاسلیک
د همکارۍ دا هوکړه لیک د دې وزارت د بهرنېو اړیکو او پلان رئیس محترم ملا صدو خان حق شناس او ژوند د هوساینې او پرمختګ لپاره مؤسسې استازي محترم عبدالله طوفان ترمنځ لاسلیک شو چې له مخې به یې په ننګرهار ولایت کې شپږ سوه (۶۰۰) تنو مستحقو یتیمانو، کونډو او معلولینو ته د اختر په مبارکو ورځو کې د قرباني غوښۍ ووېشل شي.
د یادونې وړ ده چې د دې پروژې مجموعي لګښت لس زره (۱۰۰۰۰) ډالره کېږي او د ننګرهار ولایت د شهیدانو او معلولینو چارو ریاست سره په همغږۍ به تطبیق شي.
