د شهیدانو او معلولینو چارو سرپرست وزیر، ښاغلي ملا عبدالمجید آخند په کندهار ولایت کې د یاد وزارت له اړوند ریاست څخه لیدنه وکړه
د شهیدانو او معلولینو چارو وزارت سرپرست وزیر ښاغلي ملا عبدالمجید آخند د کندهار ولایت د شهیدانو او معلولینو چارو ریاست له کارونو او په دې ریاست کي د روانو تعمیراتي چارو د جوړېدو او هلته یې له راغلو مراجعینو سره له نږدې وکتل او د هغوی ستونزي یې واورېدې.
په دې لیدنه کې د کندهار ولایت د شهیدانو او معلولینو چارو رئیس ښاغلي مولوي محمد طاهر آغا د شهیدانو او معلولینو چارو وزرات سرپرست وزیر ښاغلي ملا عبدالمجید آخند ته د یاد ریاست د وروستیو پرمختګونو او لاسته راوړنو په اړه معلومات ورکړل او د دې ریاست ستونزي یې د حل په موخه ورسره شریکي کړې.
