په ننګرهار کې د یونسیف په مرسته د پولیو ناروغۍ له منځه وړلو په مناسبت د معلولینو ویلچري بسکېټبال سیالۍ ترسره شوه
په ننګرهار ولایت کې د یونسیف نړیوالې موسسې په مالي لګښت د پولیو ناروغۍ له منځه وړلو په مناسبت د معلولینو ویلچري بسکېټبال سیالۍ ترسره شوه
یاده مسابقه چې د کار او ټولنیزو چارو ریاست په انګړ کې د یادو لوبغاړو په میدان کې جوړه شوې وه چې په کې د ننګرهار ولایت د شهیدانو او معلولینو چارو امر محمد طیب معصوم، د افغانستان د معلولیت لرونکو وګړو سرتاسری شورا رئیس مسعود ساپی د یادې شورا غړو د یونسیف نړیوالې موسسې داخلي او خارجي استازو او ګڼ شمیر نورو موسساتو په کې ګډون کړی وو.
په پیل کې د ننګرهار د شهیدانو او معلولینو چارو آمر د یونسیف نړیوالې موسسې څخه مننه وکړه چې د معلولینو د ظرفیت لوړونې په برخه مرسته کوي او په راتلوونکي کې د لا نورو مرستو د همکارۍ هیله یې وکړه ښاغلي معصوم په خپلو خبرو کې وویل:
د پولیو ناروغۍ یو خطرناکه او وژونکې ناروغي ده او د مخنیوي لپاره یې د لازمو اقداماتو غوښتنه وکړه.
په پای کې د معلولینو د باسکیټبال لوبډلې هر لوبغاړي ته یو یو بیک او پنځه پنځه سوه افغانۍ ورکړل شوې.
